أذكر بقعة امدرمان
أبيات قصيدة أذكر بقعة امدرمان لـ خليل فرح
أذكر بقعة امدرمان
وانشر في ربوعنا أمان
ذكر يا شبابي زمان
درانا ودار أبونا زمان
فيها رفات جدودنا كمان
ما بنساك خلقة ضمان
جنة وحور حماك أمان
ذكر يا شبابي زمان
بطري الاسسوك زمان
كانوا نحاف جسوم ما سمان
كانوا يحلحلوا الغرمان
يساهروا يتفقدوا الصرمان
ذكر يا شبابي زمان
في السودان فتيح معروف
ولسه بعنجة خوره سروف
ود نوباوي زول معروف
باقي وديك مشارع ابروف
ذكر يا شبابي زمان
كانوا جبال مكان وتقال
نزلوا اتربعوا الأركان
خلوا البقعة كل مكان
آهلة ورازة بالسكان
ذكر يا شبابي زمان
ليه ياكعبة العربان
غاضبة وفين عريسك بان
قبال نسأل الركبان
حبك من حسودك بان
ذكر يا شبابي زمان
شرح ومعاني كلمات قصيدة أذكر بقعة امدرمان
قصيدة أذكر بقعة امدرمان لـ خليل فرح وعدد أبياتها ستة عشر.
عن خليل فرح
خليل فرح بدري كاشف خيري محمد (همد) شلبي كاشف خيري وردي مراد آغا إبراهيم آغا. شاعر سوداني، شعلة من الذكاء الحاد والفكر المتقدم، سريع البديهة والحفظ والاستيعاب، ولد (بدبروسة) حلفا، نشأ بها وتعلم القرآن في خلوة الشيخ أحمد هاشم، هاجر إلى أم درمان وسكن مع ابن عمه كاشف حسن بدري في الحوش، ودخل مدرسة البوسته والتلغراف وكلية غردون التذكارية بالخرطوم، ورحل إلى القاهرة للعلاج من داء الرئة، كان الخليل أبو الوطنية وشاعرها ورافع علم الحرية والعزة والكرامة.[١]
- ↑ معجم الشعراء العرب