عزة في هواك نحن الجبال
أبيات قصيدة عزة في هواك نحن الجبال لـ خليل فرح
عزة في هواك نحن الجبال
وللبخوض صفاك عزة نحن النبال
عزة ما بنوم الليل محال
وبحسب النجوم فوق الرحال
خلقه الزاد كمل وانا حالى حال
متين أعود أشوف ظبياتنا الكحال
زة ما سليت وطن الجمال
ولا ابتغيت بديل غير الكمال
وقلبي لي سواك ما شفته مال
خذيني باليمين وانا راقد شمال
عزة ما نسيت جنة بلال
وملعب الشباب تحت الظلال
نحن كالزهور فوق التلال
تشابي للنجوم وانا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسع ما عرف الملال
أظنه ود قبيل وكريم الخصال
عزة ما اشتهيت نوم الحجال
ولا السوار بكى في يمينا جال
وعزة في الفريق لي ضيق مجال
قبيلة بيت قبيل ملأ الكون رجال
عزة شفت كيف نهض العيال
جددوا القديم وتركوا الخيال
روحك يا ام سماح سرى كالسيال
شجوا الفؤاد حيو محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدي كل يوم عظمة ازداد جلال
عزة في حذا الخرطوم قبال
وعزة في جنان شمبات حبال
وعزة لي ربوع ام در جبال
وعزة في الفؤاد دوا يشفي الوبال
شرح ومعاني كلمات قصيدة عزة في هواك نحن الجبال
قصيدة عزة في هواك نحن الجبال لـ خليل فرح وعدد أبياتها سبعة عشر.
عن خليل فرح
خليل فرح بدري كاشف خيري محمد (همد) شلبي كاشف خيري وردي مراد آغا إبراهيم آغا. شاعر سوداني، شعلة من الذكاء الحاد والفكر المتقدم، سريع البديهة والحفظ والاستيعاب، ولد (بدبروسة) حلفا، نشأ بها وتعلم القرآن في خلوة الشيخ أحمد هاشم، هاجر إلى أم درمان وسكن مع ابن عمه كاشف حسن بدري في الحوش، ودخل مدرسة البوسته والتلغراف وكلية غردون التذكارية بالخرطوم، ورحل إلى القاهرة للعلاج من داء الرئة، كان الخليل أبو الوطنية وشاعرها ورافع علم الحرية والعزة والكرامة.[١]
- ↑ معجم الشعراء العرب