ما هو عارف قدمه المفارق
أبيات قصيدة ما هو عارف قدمه المفارق لـ خليل فرح
ما هو عارف قدمه المفارق
يا محط أمالي السلام
في سموم الصيف لاح له بارق
لم يزل يرتاد المشارف
كان مع الأحباب نجمة شارق
ماله والافلاك في الظلام
يا دهر اهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
من حطامك غصنى وارق
فيّ شن ابقيت للطوارق
غير قليباً في همومه غارق
ولسانا برده الكلام
ويح قلبي الما انفك خافق
فارق ام درمان باكي شافق
يا أم قبائل ما فيك منافق
سقى ارضك صوب الغمام
يا بلادي كم فيه حاذق
غير إلهك ما أم رازق
من شعاره دخول المآزق
يتفانى وشرفك تمام
مسرح الغزلان في الحدائق
والشوارع الغر والمضايق
قول لي كيف امسيت دمت رايق
دام هواك مشمول بالنظام
مجلس اللذات في النمارق
والترف لا زال وضفه خارق
ضاري حسك فاح جانا مارق
وله قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
أين مني الودعته شاهق
باكي ناهدي مراهق
عيني ما بتشوف الا شاهق
أين وجه البدر التمام
أين مني الفي زهوه باسق
في شبابه نقي من مفاسق
بين ثيابه البيض المناسق
حولك أشبه رتل الحمام
يا بريد الجو فوقي حالق
ميل على الروح ليها خالق
عدت سالم قول وأنت عالق
مقرن النيلين كيلو كم
الحبايب للفتو الخلائق
بيني وبينهم قطعوا العلائق
كان دلال كان تيه كله لايق
نحن ما مجينا الخصام
يا جميل يا نور الشقايق
املأ كأسك واصبر دقائق
مجلسك مفهوم شوفوا رايق
عقدة ناقص زول ولا تمام
شرح ومعاني كلمات قصيدة ما هو عارف قدمه المفارق
قصيدة ما هو عارف قدمه المفارق لـ خليل فرح وعدد أبياتها سبعة و عشرون.
عن خليل فرح
خليل فرح بدري كاشف خيري محمد (همد) شلبي كاشف خيري وردي مراد آغا إبراهيم آغا. شاعر سوداني، شعلة من الذكاء الحاد والفكر المتقدم، سريع البديهة والحفظ والاستيعاب، ولد (بدبروسة) حلفا، نشأ بها وتعلم القرآن في خلوة الشيخ أحمد هاشم، هاجر إلى أم درمان وسكن مع ابن عمه كاشف حسن بدري في الحوش، ودخل مدرسة البوسته والتلغراف وكلية غردون التذكارية بالخرطوم، ورحل إلى القاهرة للعلاج من داء الرئة، كان الخليل أبو الوطنية وشاعرها ورافع علم الحرية والعزة والكرامة.[١]
- ↑ معجم الشعراء العرب